Grunnnámskeið

Langar þig að læra naglafræði frá grunni?

Grunnnámskeið ProNails er ætlað byrjendum og þeim sem vilja byggja upp faglega þekkingu í naglafræði. Námið veitir traustan grunn í bæði fræðum og verklegri vinnu og er markmiðið að nemendur öðlist þá þekkingu og færni sem þarf til að hefja störf í faginu.

Engin reynsla er nauðsynleg og er námið byggt upp þannig að farið er yfir alla helstu þætti skref fyrir skref.

Kennsla fer fram í litlum hópum þar sem aðeins 4 nemendur komast að í hverju námskeiði. Þannig gefst góður tími til einstaklingsmiðaðrar leiðsagnar og aðstoðar fyrir hvern nemanda.

Námskeiðið skiptist í 6 kennsludaga á 12 vikna tímabili. Með því fyrirkomulagi fá nemendur tíma til að æfa sig á milli kennsludaga og byggja smám saman upp öryggi og færni. Unnið er bæði á æfingarhendi og módelum.

Að námi loknu hafa nemendur öðlast þá þekkingu sem þarf til að halda áfram að byggja upp færni, viðskiptavinahóp og starfsvettvang í faginu.

Farið er yfir:

• Uppbyggingu naglarinnar og naglasjúkdómar
• Sótthreinsun og hreinlæti
• Undirbúningur náttúrulegu naglarinnar
• Ásetningu með tipsum og formum
• Náttúrulegt útlit
• French manicure
• Heillitun með gellakki
• Camouflage ásetningu
• Lagfæringar

Að auki eru eftirfarandi Endurmenntunarnámskeið innifalin:

• B System
• Sopolish

Kennari námskeiðsins er Hafrún Helga, eigandi Sjúkranudds og Neglna ehf. Hún útskrifaðist úr ProNails naglaskólanum árið 2010 og hefur unnið með ProNails vörurnar síðan þá. Hafrún hlaut kennararéttindi frá ProNails Academy í Belgíu árið 2023 og viðheldur þeim með reglulegri endurmenntun samkvæmt kröfum skólans.

Næstu námskeið

• September 2026
• Janúar 2027

Skráning er hafin.

Tvö grunnnámskeið eru að jafnaði haldin á ári, í janúar og september, ef næg skráning næst.

Vörupakkar, sjá hér fyrir neðan.

Í boði eru þrír mismunandi vörupakkar svo hver og einn geti valið þann kost sem hentar best.

Staðfestingargjald að upphæð 75.000 kr er innifalið í verði námskeiðsins.